Schepenakte - Jan Herberts soen van Wetten alse voir sijn tocht ende Herbert sijn wittiger soen ende Aleit Jans dochter als voir die erflicheit den goede hier na beschreven hebben gesamenderhant uytgegeven tot enen erfpacht Herbert van Gerwen des voirgs. Jans wittige brueder al alsulken verstorff rechte ende gedeelte van goede inden prochien van Gerwen + Nuenen gelegen -een huys en hoff + toebehoirte tot Gerwen dat den vs. Herbert ende Aleyten toe te horen plach ende aen enen kamp geheiten die twerhout op nuenrevelt aen gheen schoer -item aen enen beempt van vijf dachmaten geheiten inder bernhenbeempt (?) te Nuenen -tem noch aen enen beempt geheiten den bellerschendijc -item te Gerwen aen enen stuc lants geheiten in gheen rode -ende noch een zestersaet lants te Gerwen after Jans van den Heiden gelyc dese alinge erfnisse aldaer gelegen sijn, Alse van den vs. Herbert den pechter dat vijftedeel den goede vs. dat sij hem verpacht hebben erfliken ende eweliken te hebben ende te besitten te bruken ende besigen voir ende om twe mud rogen erfpachts den maten van Nuenen ende te Nuenen in dat huys vs. te leveren alle jaer op O.L.Vr. Lm. uten vijftendeel der goede vs. den voirgs. Jannen Herberts soen te sijnre tocht ende Herbert ende Aleiten sinen kinderen vs. tot hoerre erflicheit dair uyt te gelden ende te betalen Andries - schepen Smeets - schepen 21 december 1419, 1414/1420