Schepenakte - HUIS TE BRUSSEL Cont sij enyegeliken dat voir ons comen sijn Henric soen wilen Symoens van der Hazeldonck .... .... Jan Walsschinen (?) soen wittich man ende momber Kathelijnen sijns wijfs oich des voirs. Symons dochter was, Jan Godarts Symoens soen was als wittich man ende momber Lijsbetten sijns wijfs Jan Vleeminx dochter was, Godart Symoens soen wilen van den Hoeven als wittich man ende momber Yden sijns wijfs dochter wilen Willem van Lyer ende Jan Willems soen van Lyer was, Symon soen wilen Jan Vleeminx elc van hen allen voirs. voer sijn gedeelt ende die voirs. Henric Symons soen van der Hazeldonck ende Peter sijn brueder geloevende voir die wittighe kynder ende erfgenamen wilen ..... die oick wittich soen was des voirs. wilen Symons van der Hazeldonck -Ende erflic vercocht overgegeven ende opgedragen Peteren van der Hazeldonck Jans van der Hazeldonck allen haer recht ende gedeelt dat sij hebben oft in eniger manieren hebben moghen aen een huysinge met haer toebehoerten die wilen Jans Symons soen van der Hazeldonck plach te weren ende gelegen is bynnen der Stat van bruessel (?) ter stede geheiten aent corenhuys ende plach te heyten dat weymes ende nu ter tijt geheiten is den Spregel gelegen tusschen erfnis die men heit dat golden hart (?) u.l. ende een erfnis diemen heyt den hoornen (?) a.e. gelyc den voirs. vercoeperen haer gedeelt ende der huysingen voirs. toekomen ende verstorven is vanden voirs. wilen Jan Symons soen was van der Hazeldonck als hij seide -Ende die voirgs. vercoeperen hebben in manieren gelijc voirs. is op die voirs. huysinge met haren toebehoerten op allen haer recht ende gedeelt dair aff ende allen scepenlitteren dair op sprekende helmelingen vertegen tot behoeff des voirs. Peters van der Hazeldonck -Gelovende hem dat vercopen overgeven opdragen ende vertiden voirs. ewelic vast ende stedich te hauden ende allen kommer van haer weghen dair in wesende aff te doen op hen ende op allen haer goit, 1434/1438